default-header
Home Evenemente

Evenemente

V.V. De Gangmaekers prizzerteertj aan uch de volgendje evenemente in 't sezoen 2019-2020

Insjeete vanne vastelaovendj


 Maondig 11 November 2019

 20.11 oêr
 Café Oppe Linj

 

Aankomst van ’t prinselik trio op ein ludieke meneer. De onthulling van ’t “Hendje vanne Prins”. Optraejes van diverse artiesten. ‘T insjeete van ’t noewe vastelaovessezoên met 11 kanonssjueëte.

Evenemente

Leedjeskonkour


Zaoterdig 16 November 2019

 20.11 oêr
 C.C. Don Bosco

 

Tiedens ’t Leedjeskonkour zinge de deilnummers ónger muzikale begeleijing van de Flessebaer Bigbend de sjterre van de hemel. Ze make daobiej allemaol kans oppe titel: Haelder Sjlager. Nao de eerste stumrunj woeëbiej ein moeilike taak weggelagdj is väör de vakzjurie gaon 4 deilnummers mèt mekaar de sjtreid aan in ein sjpannende finale!

Evenemente

Väörverkoup Bóntje Aovendj


Zaoterdig 4 Jannewarie 2020
 Vanaaf 14:00 oêr
 C.C. Don Bosco

 

Op de middig väöraafgaondj aan ’t Prinsebal haojtj Vastelaoves Vereniging de Gangmaekers ein väörverkoup väör de jaorlikse Bóntje Aovendje. Nao deze verkoupdatum zeen ueëvergebleve kaarte nog verkriegbaar bie oze hoeswinkel, Drogisterij Henckens dörpsjtraot 44 Hael.

Evenemente

Prinsebal


Zaoterdig 4 Jannewarie 2020
 20.11 oêr
 C.C. Don Bosco

 

De Prins waerdj oetgerope op ziene eige soirée: ’t Prinsebal. Ieërst waerdj de aoje Jeugdprins opgenomme in de HAJ. Vervolges waerdj de noewe jeugdprins oetgerope. Daonao waerdj de Gangmaeker van ’t Jaor bekèndj gemaaktj. Vervolges traeje de Prins van ’t väörig jaor en zien adjudante aaf en numme zitting in de HAP en AAP. Den is ’t tied väör ’t moment woeë ederein väör is gekómme; ’t oetrope van de noewe prins.

Evenemente

Bóntje Aovendj 


Vriedig 17 Jannewarie 2020
 19.45 oêr
 C.C. Don Bosco

 

De good verzörgdje Bóntje Aovendje zeen väör väöl Haelder minse (mer ouch väör väöl neet-Haelder, aod-Haelder en anger luuj die van de gulle lach haoje) ein van de hueëgtepuntje in ’t väörsezoen vanne vastelaovendj. Dees aovendje sjtaon garant väör plezeer, show en amuzement! En det allemaol door eige Haelder artieste! De entreepries is € 10,- .

Evenemente

Baeremiddig 


Zaoterdig 18 Jannewarie 2020
 14.11 oêr
 C.C. Don Bosco

 

De zaoterdigmiddig van de Bóntje Aovendje is de zaal d’r väör de kinjer. Die höbbe den häöre eige bóntje middig, sjterker nog: eine Baeremiddig. ’t Podium is den vriej väör acts van en door kinjer, väör kinjer. ’t Eine toneelsjtök is nog neet aafgeloupe of de angere playback-act sjteit alweer te trappele van jeugdig entoeziasme. Muzikale omliesting waerdj uiteraard verzörgdj door de Baerekepel!

Evenemente

Bóntje Aovendj 


Zaoterdig 18 Jannewarie 2020
 19.45 oêr
 C.C. Don Bosco

 

De good verzörgdje Bóntje Aovendje zeen väör väöl Haelder minse (mer ouch väör väöl neet-Haelder, aod-Haelder en anger luuj die van de gulle lach haoje) ein van de hueëgtepuntje in ’t väörsezoen vanne vastelaovendj. Dees aovendje sjtaon garant väör plezeer, show en amuzement! En det allemaol door eige Haelder artieste! De entreepries is € 10,- .

Evenemente

Bóntje Middig 


Zunjig 19 Jannewarie 2020
 13.45 oêr
 C.C. Don Bosco

 

De good verzörgdje Bóntje Middig zeen väör väöl Haelder minse (mer ouch väör väöl neet-Haelder, aod-Haelder en anger luuj die van de gulle lach haoje) ein van de hueëgtepuntje in ’t väörsezoen vanne vastelaovendj. Dees aovendje sjtaon garant väör plezeer, show en amuzement! En det allemaol door eige Haelder artieste! De entreepries is € 10,- , väör kinjere de helft van de pries: 2 väör de pries van 1.

Evenemente

Häötemetäötegeträöt


Zaoterdig 25 Jannewarie 2020
 20.11 oêr
 C.C. Don Bosco

 

Ein paar waeke väör de Vastelaovendj vormtj C.C. Don Bosco in Hael ’t dekór väör ein geweldige biejeinkómst van ein aantal zate hermenieje, joekskepelle, prinsekepelle, träöterkepelle, etc. oet gans Limburg. En neet zoeë mer get kepelkes, mer de hotemetoten, de Häötemetäöte dus, op ’t gebied van träöte!

Evenemente

Gezètte Verkoup


Woonsdig 29 Jannewarie 2020
 vanaaf 17.00 oêr
 Langks de däöre in Hael

 

Ziene Dorstlustige Hoeëgheid de Gangmaekersprins, zien Adjedante, de Vorst, de Raod van XI en angere prominente Gangmaekers zolle in Hael langs de däör ’t Hoesorgaan van V.V. de Gangmaekers; Vastelaovesgezèt “Den Draak” verkoupe. Dees Vastelaovesgezet versjientj oeteraard van A toet Z in ’t Haelder dialekt.

Evenemente

Prinse resepsie


 Zunjig 16 Fibberwarie 2020
 13.11 oêr
 C.C. Don Bosco

 

Op de Prinsereceptie is t’r de mueëgelikheid om ’t Prinselik en Jeugdprinselik driesjpan van Hael te felicitere. Ein onvergaetelikke middig väör de Dorstlustige Hoeëghede van Hael, mede dankzij de aanwezigheid van vrunj, femielie, collega’s, de HAP, de AAP, de HAJ, kollezje van B&W, menieër pesjtoeër en angere belangsjtellendje. Hie zeen ouch alle angere lokale VastelaovesVereniginge te vinje, die allemaol häör opwachting komme make bie de Gangmaekersprinse. De geliefdheid van de Haelder Hoeëghede zörge t’r väör det de recepsie pas rondj de aovendjinval toet ein einde kumptj.

Evenemente

Vastelaovesdeenst


Zaoterdig 22 Fibberwarie 2020
 19.00 oêr
 St. Stephanus Kerk

 

Op ein zeer sjtielvolle en waardige meneer luidj Vastelaoves Vereniging de Gangmaekers, de zaoterdigaovendj väör ’t sjpeel begintj, de vastelaovendj in mèt de tradisjonele vastelaovesmès. De beide Gangmaekersprinse sjpele ein hoofdrol in dees mis en gaeve op häör eige meneer invulling op dees hoeëgsjtaondje mis. Nao aafloup van de mis, geitj ’t ganse gezèlsjap nao de pöt oppe Linj, woeë de Baer oet ziene wintjersjlaop waerd gehaoldj en de vastelaovendj offisjeel ge-ueëpentj waerdj.

Evenemente

Pekskes Aovendj


Zaoterdig 22 Fibberwarie 2020
 20.11 oêr
 C.C. Don Bosco

 

Es kindj al vónje wae Pekskesaovendj ein van dé aovendje van ’t jaor, eine aovendj in ’t teike van prachtige pekskes! De zaoterdigaovendj väör de vastelaovendj is eigelik net zoget. Want dae zaoterdig prizzentere väöl Haelder luuj zich väör d’n ieërste kieër in ’t vastelaovespekske woeë ze ’t ganse jaor aan gesjoesterdj, genejdj en gesjläöteldj höbbe. Mèt laevendje meziek van diverse toppers oet de Limburgse artiestewaereldj geit ’t den flink d’r aan. En den mót de Vastelaovendj dus eigelik nog beginne…

Evenemente

Groeëte optocht


Zunjig 23 Fibberwarie 2020
 14.11 oêr
 Door de sjtraote van Hael

 

Op zunjigmiddig trèktj de Optochtsjtoet door de sjtraote van Hael. Den Optocht is dus absoluut de mote van ’t bekieke waerdj! Nao d’n Optocht waerdj Hael vanaaf 16.11 oêr getrakteerdj op ein heus artiestegala in C.C. Don Bosco, woeënao de priesoêtreiking plaats zal vinje. Wiltj gae mèt doon mèt de optocht? Det kin! Opgaeve väör dese sjoeëne sjtoet door de sjtraote van Hael kintj toet zaoterdig 22 fibberwarie biej onze hoeswinkel Drogisterij Henckens.

Evenemente

Tutter Maondig


Maondig 24 Fibberwarie 2020
 14.11 oêr
 C.C. Don Bosco

 

Ein evenement väör de jeugd van Hael mèt ónger angere versjillendje spelle, ein lochkusse, ein glijbaan, popcorn, waofels en live meziêk in ‘t tutterpelies. Kom mèt pap, mam, opa’s, oma’s, kortóm de hieële femilie en vergaet diene tutter neet!

Evenemente

Kinjer optocht


Dinsdig 25 Fibberwarie 2020
 14.11 oêr
 Door de sjtraote van Hael

 

Op de dinsdigmiddig trèktj de Kinjeroptocht door de sjtraote van Hael. Nao den Optocht waerdj Hael getrakteerdj op ein heus artiestegala in C.C. Don Bosco, woeënao de priesoetreiking plaatsvindj. Daonao zal rondj de aovendjinval op de klanke van de waever, Ben de Baer ingepaktj waere en door de Raod van XI weggedrage waere en is de vastelaovendj väör de kleinste jeugd van Hael väörbie.

Evenemente

Flikkersjterre zjwejje


Dinsdig 25 Fibberwarie 2020
 vanaaf 20.30 oêr
 C.C. Don Bosco

 

Groeate finale op Vastelaovesdinsdig mèt óm 20:30 oer de groeate fienale in CC Don Bosco mèt Prinse, häör gevolg, kepelle, raod en alle Gangmaekers. Óm 22:11 oer sjtart ’t Flikkersjterre zjwejje vanoet CC Don Bosco nao ’t plein De Linj mèt de tradiesjonele waever.

Evenemente