Evenemente
V.V. De Gangmaekers prizzerteertj aan uch de volgendje evenemente in 't sezoen 2022-2023
11e vanne 11e
Aankomst van ’t prinselik trio op ein ludieke meneer. De onthulling van ’t “Hendje vanne Prins”. Optraejes van diverse artiesten. ‘T inluiden van ’t noewe vastelaovessezoên!
Leedjesaovendj
Zaoterdig 12 November 2022
19.30 oêr
C.C. Don Bosco
Tiedens de Leedjesaovendj zinge de deilnummers ónger muzikale begeleijing van de Flessebaer Bigbend de sjterre van de hemel. Ze make daobiej allemaol kans oppe titel: Haelder Sjlager. Nao de eerste stumrunj woeëbiej ein moeilike taak weggelagdj is väör de vakzjurie gaon 4 deilnummers mèt mekaar de sjtreid aan in ein sjpannende finale!
Väörverkoup Bóntje Aovendj
Op de middig väöraafgaondj aan ’t Prinsebal haojtj Vastelaoves Vereniging de Gangmaekers ein väörverkoup väör de jaorlikse Bóntje Aovendje. Nao deze verkoupdatum zeen ueëvergebleve kaarte nog verkriegbaar bie oze hoeswinkel, Drogisterij Henckens dörpsjtraot 44 Hael.
Prinsebal
De Prins waerdj oetgerope op ziene eige soirée: ’t Prinsebal. Ieërst waerdj de aoje Jeugdprins opgenomme in de HAJ. Vervolges waerdj de noewe jeugdprins oetgerope. Daonao waerdj de Gangmaeker van ’t Jaor bekèndj gemaaktj. Vervolges traeje de Prins van ’t väörig jaor en zien adjudante aaf en numme zitting in de HAP en AAP. Den is ’t tied väör ’t moment woeë ederein väör is gekómme; ’t oetrope van de noewe prins.
Binneste-Boete-Kwis
Miër informasie volgt!
Bóntje Aovendj
De good verzörgdje Bóntje Aovendje zeen väör väöl Haelder minse (mer ouch väör väöl neet-Haelder, aod-Haelder en anger luuj die van de gulle lach haoje) ein van de hueëgtepuntje in ’t väörsezoen vanne vastelaovendj. Dees aovendje sjtaon garant väör plezeer, show en amuzement! En det allemaol door eige Haelder artieste! De entreepries is € 10,- .
Baeremiddig
De zaoterdigmiddig van de Bóntje Aovendje is de zaal d’r väör de kinjer. Die höbbe den häöre eige bóntje middig, sjterker nog: eine Baeremiddig. ’t Podium is den vriej väör acts van en door kinjer, väör kinjer. ’t Eine toneelsjtök is nog neet aafgeloupe of de angere playback-act sjteit alweer te trappele van jeugdig entoeziasme. Muzikale omliesting waerdj uiteraard verzörgdj door de Baerekepel!
Bóntje Aovendj
De good verzörgdje Bóntje Aovendje zeen väör väöl Haelder minse (mer ouch väör väöl neet-Haelder, aod-Haelder en anger luuj die van de gulle lach haoje) ein van de hueëgtepuntje in ’t väörsezoen vanne vastelaovendj. Dees aovendje sjtaon garant väör plezeer, show en amuzement! En det allemaol door eige Haelder artieste! De entreepries is € 10,- .
Bóntje Middig
De good verzörgdje Bóntje Middig zeen väör väöl Haelder minse (mer ouch väör väöl neet-Haelder, aod-Haelder en anger luuj die van de gulle lach haoje) ein van de hueëgtepuntje in ’t väörsezoen vanne vastelaovendj. Dees aovendje sjtaon garant väör plezeer, show en amuzement! En det allemaol door eige Haelder artieste! De entreepries is € 10,- , väör kinjere de helft van de pries: 2 väör de pries van 1.
Häötemetäötegeträöt
Ein paar waeke väör de Vastelaovendj vormtj C.C. Don Bosco in Hael ’t dekór väör ein geweldige biejeinkómst van ein aantal zate hermenieje, joekskepelle, prinsekepelle, träöterkepelle, etc. oet gans Limburg. En neet zoeë mer get kepelkes, mer de hotemetoten, de Häötemetäöte dus, op ’t gebied van träöte!
Gezètte Verkoup
Ziene Dorstlustige Hoeëgheid de Gangmaekersprins, zien Adjedante, de Vorst, de Raod van XI en angere prominente Gangmaekers zolle in Hael langs de däör ’t Hoesorgaan van V.V. de Gangmaekers; Vastelaovesgezèt “Den Draak” verkoupe. Dees Vastelaovesgezet versjientj oeteraard van A toet Z in ’t Haelder dialekt.
Prinse resepsie
Op de Prinsereceptie is t’r de mueëgelikheid om ’t Prinselik en Jeugdprinselik driesjpan van Hael te felicitere. Ein onvergaetelikke middig väör de Dorstlustige Hoeëghede van Hael, mede dankzij de aanwezigheid van vrunj, femielie, collega’s, de HAP, de AAP, de HAJ, kollezje van B&W, menieër pesjtoeër en angere belangsjtellendje. Hie zeen ouch alle angere lokale VastelaovesVereniginge te vinje, die allemaol häör opwachting komme make bie de Gangmaekersprinse. De geliefdheid van de Haelder Hoeëghede zörge t’r väör det de recepsie pas rondj de aovendjinval toet ein einde kumptj.
De Baer is Los Bal
Evenement in saamewirking mèt Hepapolos, miër informasie volgt!
Vastelaovesdeenst
Op ein zeer sjtielvolle en waardige meneer luidj Vastelaoves Vereniging de Gangmaekers, de zaoterdigaovendj väör ’t sjpeel begintj, de vastelaovendj in mèt de tradisjonele vastelaovesmès. De beide Gangmaekersprinse sjpele ein hoofdrol in dees mis en gaeve op häör eige meneer invulling op dees hoeëgsjtaondje mis. Nao aafloup van de mis, geitj ’t ganse gezèlsjap nao de pöt oppe Linj, woeë de Baer oet ziene wintjersjlaop waerd gehaoldj en de vastelaovendj offisjeel ge-ueëpentj waerdj.
Pekskes Aovendj
Es kindj al vónje wae Pekskesaovendj ein van dé aovendje van ’t jaor, eine aovendj in ’t teike van prachtige pekskes! De zaoterdigaovendj väör de vastelaovendj is eigelik net zoget. Want dae zaoterdig prizzentere väöl Haelder luuj zich väör d’n ieërste kieër in ’t vastelaovespekske woeë ze ’t ganse jaor aan gesjoesterdj, genejdj en gesjläöteldj höbbe. Mèt laevendje meziek van diverse toppers oet de Limburgse artiestewaereldj geit ’t den flink d’r aan. En den mót de Vastelaovendj dus eigelik nog beginne…
Gangmaekersoptocht
Op zunjigmiddig trèktj de Optochtsjtoet (groeëte én kinjeroptocht) door de sjtraote van Hael. Den Optocht is dus absoluut de mote van ’t bekieke waerdj! Nao d’n Optocht waerdj Hael vanaaf 16.11 oêr getrakteerdj op ein heus artiestegala in C.C. Don Bosco, woeënao de priesoêtreiking plaats zal vinje. Wiltj gae mèt doon mèt de optocht? Det kin! Opgaeve väör dese sjoeëne sjtoet door de sjtraote van Hael kintj toet zaoterdig 18 fibberwarie biej onze hoeswinkel Drogisterij Henckens.
Sòkkermaondig
Miër informasie volgt!
Draaksjeeze
Wae sjpeele op de Linj ein ieëwe aod Haels sjpel väör jongk en aod!
Laotj uch verasse!
Flikkersjterre zjwejje
Groeate finale op Vastelaovesdinsdig mèt óm 20:30 oer de groeate fienale in CC Don Bosco mèt Prinse, häör gevolg, kepelle, raod en alle Gangmaekers. Óm 22:11 oer sjtart ’t Flikkersjterre zjwejje vanoet CC Don Bosco nao ’t plein De Linj mèt de tradiesjonele waever.
