Óm VV de Gangmaekers finansjeel gezóndj te haoje, is d’r ein aantal jaor geleje ein sjponzerkemissie in ’t laeve gerope. Oos kemissieleje probere zoeëväöl mäögelik bedriêve en óngernummers te interessere óm reklame te make in ós Vastelaovesgezèt Den Draak.
Dit kèntj inne vorm van “Vrunj van” of as Hoofsjponzer van ós aktiviteiete en anger bezighede bènne de vereiniging. De reklames waere op diverse menere gepublieseerdj, woeëbie se mós dinke aan ein advertensie inne gezèt, beamer-prizzentasie bie al ós evenemente, ein link oppe websait ,flyers, poosters en gangk zoeë mer door…
Mèt dees verdeenste kónne wae as vereiniging diverse zake finansjeel regele en aansjaffe, zoeëas noew kleijer of sjteke väör de raod van ellèf, prinsepakke väör de groeëte en de jeugdprins, óngersjeijinge, eder jaor opnaeme van de Haelder sjlagers en gooj artieste boeke väör bv. Pekskesaovendj.
Mochtj gae in eur ómgaeving nog emes weite dae sjponzer wiltj waere väör VV de Gangmaekers den hueëre wae dit gaer van uch. Gaef ós den ein tillefoontje (of sjtuur ein mail) zoeëdet wae kontaktj mèt uch kènne lègke väör ein fijn samewirking mèt ós vereiniging.
Names VV. de Gangmaekers wille wae alle sjponzore hertelik bedanke, die ós ein werm hert toedrage en väör de sjteun die gae ós eder jaor weer gaeftj, want sónger uch zoog de vastelaovendj d’r hieël angers oêt in Hael.
Kontakt opnumme?
Väörzitter: Robert van Tuinen
Sebas Curvers
Email: gangmaekershael@gmail.com
